Lôbda-ã

Dubana-ã muro horkusa Yaabi Anna Saharaa-ã hûi činawã turo, aũ dahu du yûgurtu ni su tuzu horkusu yohã ni Hamid Adum mi. Horkusu hunu dubana-ã lau su YUNISKU muro hi êrbedige leruu če. YUNISKU duna čenu ni su horkusa hunã yohi du horkusu-ã buyinu ni duna goyi, to koo di Hamid yusoũ tiri dubana-ã net-ã su bozi baranaar či. To koo di Dubana-ã yibedu. Ôwonni aũ gudi turo duna hunã kinji di haki mbo yunu a yugurú, Adrahman Bîrehim mi (Adrahman Mallumma mi), aũ a horkusu bui yogus, dubana arbiyunu ni, turo turo šiĩ činaũ ni, kiši-ĩ su dubana čîkã gunna layinu ni, arayi yidawo yuhadu ni, to koo di Dubana-ã dûli di yibedunu. Aũ gudi turo horkusu budi ambado yogusu tîyo, Ahuma Kôkiĩ mi, muro dubana-ã du yignasu tiyo, du waha yodurku tiyo, ôwonni dubana tadurdaá ni muro tiyo, hurkusa huna tada gunna čaptundã yiŋgal du kiši hûyi tunaku.